網紅的藏寶箱《轉世靈童》
間中會睇專欄作家周顯嘅文章，整體感覺係六四分（6成有趣4成齋噏）， 今日佢有一篇就屬於有趣，大概講689大戰777，後者有plan B，就係搵聶德權做「轉世靈童」，轉世靈童呢個講法好過癮，值得本欄跟進……
首先，周顯似乎唔記得咗，而家中國境內轉世靈童必須由國家認證，即係如果達賴喇嘛喺印度瓜咗，佢去邊度投胎必須問過黨和國家。
傳統嘅做法，活佛喺生前會透露某一個方向轉世，譬如話東南面100公里… 咁啲隨從就會四出尋找嗰個範圍嘅細路仔，帶埋活佛生前用過嘅嘢，衫褲鞋襪呀咁，睇下邊個細路能夠分辨到。
但係可能有幾個細路都揀啱咗，咁就會將佢哋帶曬返去拉薩，做一次「金瓶抽籤」嘅確認程序。
打個比方，家陣有聶德權、陳智思、邱騰華都認得777戴開嗰個X（讀者自己填），咁三個名就會擺落金瓶（梅？）裏面……
不過，最開心嘅都係，轉世靈童呢家嘢，大前提必須係前任瓜咗！
Search